ರಾಜ್ಯದ ಲಕ್ಷಾಂತರ ಮನೆ ಒಡತಿಯರಿಗೆ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಸಿಹಿಸುದ್ದಿ ನೀಡಿದೆ.
ಗೃಹಲಕ್ಷ್ಮಿ ಯೋಜನೆಯ (Gruhalakshmi Scheme) 28 ನೇ ಮತ್ತು 29 ನೇ ಕಂತಿನ ಹಣ ಇದೀಗ ಅರ್ಹ ಫಲಾನುಭವಿಗಳ ಬ್ಯಾಂಕ್ ಖಾತೆಗಳಿಗೆ ಜಮಾ ಆಗುವ ಪ್ರಕ್ರಿಯೆ ಭರದಿಂದ ಸಾಗಿದೆ.
ಈಗಾಗಲೇ ಹಲವು ಮಹಿಳೆಯರ ಬ್ಯಾಂಕ್ ಖಾತೆಗಳಿಗೆ ಹಣ ಜಮಾ ಆಗಿರುವ (Amount Credited) ಮೆಸೇಜ್ಗಳು ಬರುತ್ತಿವೆ.
ಈ ಹಿಂದೆ ಬಹಳಷ್ಟು ಫಲಾನುಭವಿಗಳ ಇ-ಕೆವೈಸಿ (e-KYC) ಪ್ರಕ್ರಿಯೆ ಅಪೂರ್ಣವಾಗಿದ್ದದ್ದು ಹಾಗೂ ರೇಷನ್ ಕಾರ್ಡ್ ಪರಿಶೀಲನೆ ಮತ್ತು ತಿದ್ದುಪಡಿ ಕಾರ್ಯಗಳು ನಡೆಯುತ್ತಿದ್ದ ಕಾರಣದಿಂದಾಗಿ ಹಣ ಬಿಡುಗಡೆಯಾಗುವುದು ತಡವಾಗಿತ್ತು.
ಇದೀಗ ಇಲಾಖೆಯು ಈ ಎಲ್ಲಾ ಅಡೆತಡೆಗಳನ್ನು ನಿವಾರಿಸಿದ್ದು, ದಾಖಲೆಗಳು ಸರಿಯಿರುವ ಎಲ್ಲಾ ಅರ್ಹ ಮಹಿಳೆಯರ ಖಾತೆಗೆ ಯಾವುದೇ ವಿಳಂಬವಿಲ್ಲದೆ ಡಿಬಿಟಿ (DBT) ಮೂಲಕ ಹಣ ವರ್ಗಾಯಿಸುತ್ತಿದೆ.
DBT ಸ್ಟೇಟಸ್ ಚೆಕ್ ಮಾಡುವುದು ಹೇಗೆ? ಹಣ ಬಂದಿದೆಯೇ ಅಥವಾ ಇಲ್ಲಾ ಎಂಬುದನ್ನು ತಿಳಿಯಲು ಬ್ಯಾಂಕ್ಗಳಿಗೆ ಅಲೆಯುವ ಅಗತ್ಯವಿಲ್ಲ. ಈ ಸರಳ ವಿಧಾನಗಳನ್ನು ಅನುಸರಿಸಿ:
- DBT Karnataka ಆ್ಯಪ್: ಗೂಗಲ್ ಪ್ಲೇ ಸ್ಟೋರ್ನಿಂದ ಈ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ, ಆಧಾರ್ ನಂಬರ್ ಮೂಲಕ ಲಾಗಿನ್ ಆಗಿ. ಯಾವ ತಿಂಗಳ ಮತ್ತು ವರ್ಷದ ಹಣ ಜಮಾ ಆಗಿದೆ ಎಂಬ ನಿಖರ ದಿನಾಂಕ ಕಾಣುತ್ತದೆ.
- ಬ್ಯಾಂಕ್ SMS: ಖಾತೆಗೆ ಒಮ್ಮೆ ₹2,000 ಮತ್ತು ಮತ್ತೊಮ್ಮೆ ₹2,000 ಜಮಾ ಆದ ಬ್ಯಾಂಕ್ ಮೆಸೇಜ್ ಪರಿಶೀಲಿಸಿ.
ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಹಂತಹಂತವಾಗಿ ಹಣ ಬಿಡುಗಡೆಯಾಗುತ್ತಿರುವುದರಿಂದ, ನಿಮ್ಮ ದಾಖಲೆಗಳು ಸರಿಯಿದ್ದಲ್ಲಿ ಶೀಘ್ರದಲ್ಲೇ ನಿಮ್ಮ ಖಾತೆಗೂ ಹಣ ಬರಲಿದೆ.
